حبيبتي اهلا بيكي الاول .. سؤال مني ليكي:
عايزة اكلك يعجب كل الناس؟
عايزة اللي يدوق اكلك ياكل صوابعه وراه؟
عايزة ربنا يبارك في اكلك وينفخ في صورتك قدام اسرتك؟
لو كانت اجابتك نعممممممم وده الاكيد لانك فتحتي الموضوع لما شفتي العنوان يبقى اكيد عجبك (فهيمة انا صح؟)
المهم عندك شوية افكار جربيها ولو منفعتش يبقى ليكي الكلام
يلا نبدأ
:
:
:
بسم الله
:
:
:
:
بسم الله
:
:
:
:
بسم الله
:
:
:
:
خلاص من غير زعيق
:
:
:
:
اتفضلي
:
:
:
:
بس قبل ما تشوفي الموضوع
:
:
:
:
كنت عايزة اقول لك
:
:
:
:
بحبك في الله
:
:
:
:
يلا استعدي
:
:
:
:
اليك الافكار وهي ايضا لكسب الحسنات طول فترة مكوثك في المطبخ طبعا بجانب المزايا اللي قلناها قبل كده ان طبيخك هيكون مميز
:
:
:
:
1- المداومة على الذكر اثناء عمل الاكل وغسيل المواعين اللي مش بتخلص وممكن يكون ليكي ورد للذكر، كل يوم ذكر معين وممكن تكتبيه عندك في المطبخ علشان لو حد دخل يقوله وليكي الثواب طبعا ان شاء الله

2- يكون في مطبخك شرايط كاسيت تشغليها وانتي بتطبخي او كتيبات صغيرة علشان لو حد عينه وقعت عليها ممكن يقرأها ويعمل باللي فيها وممكن كمان واحدة تقلدك وتنفذ الفكرة دي في مطبخها

3- وطبعا متنسيش النية قبل ما تبدأي طبيخ والنوايا دي اكيد انتوا هتقولوها احسن مني

4- وطبعا اوعي الطبيخ يشغلك عن الصلاة وافتكري الحديث "لا يبارك الله في عمل يلهي عن الصلاة" او كما قال صلى الله عليه وسلم يعني ممكن الاكل يتحرق او ميعجبش الناس في البيت أو او ...... يعني لو الاذان اذن اطفي البوتوجاز لو كان عليه حاجة وروحي صلي فورا

5- وطبعا مش هوصيكي على الجيران ومتنسيش حديث الرسول "ليس المؤمن الذي يشبع وجاره جائع الى جنبه" صلي عليه (صلى الله عليه وسلم)

6- ومتنسيش تدعيلي كل ما تيجي تعملي حاجة من الحاجات دي ومتقلقيش الملايكة ان شاء الله هتقول لك "ولك بالمثل"

7- وخليكي كريمة واعزمي علينا

وبالهنا والشفا

ومستنية ردك وياريت يكون فيه افكار جديدة تفيدينا بيها