في بدايه تدوينتي هذه أحب أسجل إعتراضي علي فكرة ترشيح البرادعي لرئاسه
الجمهورية ، ليس ﻷنه (البرادعي) أو توجها مع التيار الحكومي الرافض للحكومة لا
والله ، كل إعتراضي عليه إنه شخص غير معروف للشارع ، أي إننا محتاجين فتره
كبيره جدا لتعريف الشارع بيه ، عايزين قوه كبيره جدا عشان نعرف الناس مين
هوه البرادعي وليه لازم يبقي رئيس”إنتقالي” لفتره بسيطه هي فتره الإصلاح
السياسي الأساسي بعد عمليه تغيير النظام الموجود ،
وانا أقصد
بالشارع هنا هو الشارع إلي بيدي فعلا قوه التصويت للمرشح وليس لعامه الناس
إلي معتبره إن الإنتخابات كده كده متزوره ، أنا قصدي الراجل الغلبان إلي
ممكن يقوم معاك ويورح يديك صوته عشان مقتنع بيك هنا والراجل الغلبان ده
يعتبر أغلبيه شديده في الشارع.
مع الأخذ في الإعتبار "الشباب” إلي
المفروض يكون لينا دور أكبر في توجيهم وحسهم علي المشاركة .. لأن ميزان
الشباب ده ممكن يقلب التربيزه ، ودور أكبر في إنهم يكونوا ضد النظام
الحالي ومعانا ، مش بس مشاركة ، ولما بتكلم عن فئه الشباب فبتكلم عن شريحه
تبدأ من (18 سنه حتي 35 سنه ) إلي هيه الفتره المفروض بيكون فيها الشباب
متحمس جدا للتغيير
وبصراحه تانية قصدي في الإعتراض علي
البرادعي-ودي رساله موجهه للبرادعي- إن الموضوع مش سهل ومش يلا بينا ننزل
الإنتخابات وهكسبها وانا قاعد علي الكرسي ، الإنتخابات مشاور صعب ، وخصوصا
في بلد مش ديمقراطي والعصا فيه لمن عصا .
أكيد البرادعي شاف وسمع
علي الفضائيات إلي حصل أيام الإنتخابات الرئاسية إلي فاتت وكمان إنتخابات
مجلس الشوري إلي بيختلفوا تماما عن الإنتخابات المحلية وإنتخابات تجديد
مجلس الشوري.
وبرضك إلي شافه وإلي سمعه يعتبر جزء لذيذ ومحسن ومن
الحقائق إلي بتحصل في الإنتخابات في مصر ، الحقائق إلي مش بيشوفها
وبيسمعها غير إلي قدام اللجان وإلي في غرف المتابعه والعمليات.
عندي ملفين صوتيين لازم البرادعي يسمعها قبل ما يقرر قراره الأخير ، لو يقدر يواجهه إلي هيحصل يبقي ممكن نقول أهلا وسهلا بيه
إن
كان الرد بإنه يقدر يواجه كل التحديات دي فيجب تنظيم الحملة بشكل حقيقي
ليس فقط حمله إنجاحه بل أقصد الحمله كاملة ولها عندنا نقاش مستقبل
انا معك ان دكتور زى البرادعى مينفعش يبقى الرئيس وهو بقاله عمر كبير جدا خارج مصر
لكن
لما يكون داخل جنب اسم زى جمال مبارك
يبقى نختار طبعا الدكتور محمد البرادعى اولا لانه يعرف جيدا كيف يحصل الانسان على جائزة نوبل ولانه يعرف جيدا معنى التعب ، ومعنى الجهد ومعنى الاخلاص ولانه لم يصل الى ما وصل اليه بفضل انه ابن لرئيس ولكنه تعب وجد حتى حصل على نوبل
ولانه عاش فى بلد ديموقراطى يعرف معنى الحرية والعدالة
ولانه عالم ومفكر كبير وسياسى مخضرم وياريت بقى كفاية حملات الاعلام اللى انا بدأت اتعاطف معاها من اتقانها حملة التشويه على رجل مثل هذا !
إضافة تعليق يستطيع فقط المستخدمون المسجلون [ التسجيل | دخول ]
